JBT, ანუ Junior Business Training სკოლის მოსწავლეებისთვის
კვირა, 08 დეკემბერი, 2019
7-8 დეკემბერი (2019) ქართულ-ამერიკული უნივერსიტეტის (ɫӰ) ორგანიზებით გაიმართა Junior Business Training, ჩვენი წლევანდელი თამაშის Junior Business Competition-ის (JBC) მონაწილე გუნდებისთვის ქალაქგარეთ, მცხეთაში. ორდღიან ბანაკში, რომელიც ɫӰმ სრულად დააფინანსა, მონაწილეობას იღებდა სკოლა ქორალი, აიბი მთიები და პირველი ექსპერიმენტული სკოლა.
ბანაკი მოიცავდა ტრენინგს ბიზნესის ადმინისტრირებასთან დაკავშირებით, რომელსაც ɫӰ-ს ბიზნესის სკოლის მოწვეული ლექტორები ლევან გაჩეჩილაძე და გიორგი ჩინჩალაძე უძღვებოდნენ. მეორე კომპონენტი იყო ɫӰ GAME - ეს არის გასართობი და შემეცნებითი ტიპის თამაში, რომლის გამარჯვებულებს საჩუქრად გადაეცათ ილუზიების მუზეუმის ბილეთები.
ტრენინგის ფარგლებში მოეწყო ფილმის ჩვენება და გაიმართა დისკუსია, რომელსაც ɫӰ-ს განვითარების მენეჯერი, გია ჩქოფოია უძღვებოდა.
შეხვედრები ინტერაქციულ რეჟიმში მიმდინარეობდა, სკოლის მოსწავლეებმა ბევრი საინტერესო და მნიშვნელოვანი ინფორმაცია მიიღეს ბიზნესის ადმინისტრირებასთან დაკავშირებით.
ტრენინგის დასასრულს სერტიფიკატების გადაცემის საზეიმო ცერემონია გაიმართა.
ɫӰ წარმატებას უსურვებს თითოეულ მონაწილეს!
#WeAreɫӰ
